Boorefemilie 2010
Mieër foto's in de fotoalbum van dees site
In 'n bomvol kefee Cardinaal op de Oelemêrntj hieët de Umbelder van de stad Wieërt maondjig 1 fibberwari de getuûge en aojers van de Broêd en Broêdegom 2010 bekindj gemaaktj. Nao aafloup van de bekîndjmaking vertrok 't gezelschap ônger begelei-jing van Kepél De Waerse Kuj en hôngerte boore en boorinne nao 't Jacob van Horne museum en és op 't bordes de Broêd en de Broêdegom 2010 uutgerope.
|
|
| |
|
|
 |
 |
 |
 |
 |
 |
 |
Boorebâl in e nów jeske, boor vingtj vraw:
Det és ’t thema vanne uutveuring van ’t Boorebâl op maondjig 1 fibberwari. De tradisie di-j blieftj. Det wiltj zégke de uutrooping van ’t booregezelschap mét ‘t Broêdspaar as middelpûnt.
Waat verângertj? De plaats van uutrooping. De getuûge en aojers van broêd en broêdegom waere, zjuust wi-j ’t waas, uutgerope beej de Cardinaal oppen Oelemêrrentj. ’t Broêdspaar keumtj komplieët in ’t spotleecht te staon as ze waere uutgerope op ’t aod stadhoês.
Daonaeve zeen ‘t neet de Vorst en Preens di-j figurieëre beej ’t bekindjmake, mer d’n Umbelder van de Stad Wieërt.
Ouch noow zal de stoet mét boorebroêlofttaferieële doeër de binnestad trékke. Laotj uch verrasse en komtj kieke.
Daonao de in onechtverbînging van ’t boorebroêdspaar. Ouch heej wat noets, want d’n ambtenaar vanne börgerlike stând zörgtj in ’t dekôr vanne trawzaal vör de börgerlikke voltrékking van ‘t huwelik en ‘ne zieër gewaardieërdje daeke (dae zich in ’t dageliks laeve waal katteliek mer neet geistelike mooge neume) zörgtj, mét as dekôr ’t altaor vanne Statterkêrk, vör de kerkelike inzaengeling.
E schawspuuël op zich woeë de Boonte Aovendj artieste eur mejwêrking al vör hebbe towgezagdj.
Âl mét âl de moote waerd um eur béste boorepekske of klédje uut de kast te hale en op maondjig 1 fibberwari nao de binnestad te kaome.
