Vastelaovundj-lidje 2011
Reglemênt vör daelname aan de wedstrieëd vör 't Vastelaovundj-lidje van V.V. De Rogstaekers 2011
Algemein bepaolinge:
Edere tekstdichter moog 'n onbepêrktj aantal lidjes insteure.
01. De tekst mot in 't Wieërter dialekt geschrieëve zeen.
02. ‘t Ingesteurdje lidje mot orzjineel zeen van tekst en wies.
03. ‘t Lidje moog êrges ângers noeëts zeen gepublisieërdj of oeëpenbaar uutgeveurdj.
04. Eder lidje mot op ein orzjineel inschriêfformeleer ingevöldj zeen.
Meneer van insteure:
05. De inzending deentj uut de volgendje ôngerdaele te bestaon:
- De meziek mót op noeëteschrift aangeleverdj waere, met dao ônger de tekst.
- Duuëdelik mót zeen welke tekst beej welke noeëte (maote) huuëre.
- Înkel de melodie uutschriêve, dus neet mieërstummig.
- De melodie-lien vörzeen van akkoeërde-symbole.
- Meziek vörzeen van intro, tössespel en 'n slot.
- 't Refrein en de koeplette hove mer eine kieër uutgeschriêve te waere. Van de oeëverige koeplette hove mer allein de tekste aangeleverd te waere, behâlve as d'r groeëte variasie in dieës koeplette zitte.
- De inzending vörzeen van 'n towlichting di-j aangeuftj wi-j det 't nummer straks uutgeveurdj mot waere m.b.t. sfeer, tempo, zânk (mîns, vrawmes, wecht) etc. Letj op: dieës towlichting moog in tekst zeen, mer gae moogtj (gein verplichting) ‘t lidje ouch inspuuële en op CD aanlevere. Dieës informâsie és neet bedoeldj vör de zjurie, mér allein vör de uutveurder tiedes de zjurieëring en beej Marlstone Studio vör de arranzjemênte.
- ‘t Inschriêfformeleer, per nummer, mót ôngerteikendj zeen doeër tekstschriêver en komponist.
06. De inzending di-j neet komplieët és, weurdj neet ge-akseptieërdj.
07. De sloêting vanne inzendtermiên és zaoterdig 12 juni 2010. Nao dieëze datum waere gein lidjes mieër ge-akseptieërdj.
08. Inzendinge steure nao: Henk Jacobs, St.Servatiusstraat 1, 6001 CB Weert.
Seleksie:
09. Doeër V.V. De Rogstaekers weurdj ‘n seleksie-kemissie beneumdj di-j alle inzendinge be-oeërdaeldj. De maksimaal 11 finale-nummers waere ten gehuuëre gebrachtj op 't Litjesfestival op zôndig 14 november 2010. Uut de maksimaal 11 finale-nummers ware maksimaal 4 nummers gekoeëze vör oppe CD 2011.
10. Ein bepêrking géldj vör de 11nummers : 'ne tekstdichter kan maksimaal mér met twiee nummers vertieëgewoeërdigdj zeen op 't Litjesfestival en oppe doeër V.V. De Rogstaekers uut te brînge CD.
11. V.V. De Rogstaekers bepaoltj, in good oeëverlégk tösse tekstdichter/komponist doeër weem de lidjes gezônge zulle waere, zoeëwaal op 't Lidjesfestival as oppe CD.
12. V.V. De Rogstaekers kân, allein nao oeëverlégk met tekstdichter/komponist, klein verângeringe in tekst en of meziek aanbrînge, um daomej de kwaliteit van 't lidje te verbaetere.
13. Winnaar van de vastelaovundschlager 2011 weurdj 't lidje det, op 't te haoje Lidjesfestival, de mieëste stumme hieët ontvânge.
Gebroêk van inzendinge:
14. Tekstdichter en komponist gaon akkoeërd met ‘t gebroeëk van eur lidje doeër V.V. De Rogstaekers vör uutgave op CD of ânger geluidsdragers.
15. V.V. De Rogstaekers wêrktj vör de uutveuring same mét Marlstone Studio di-j ouch de arranzjemênte vör eur raekening neme.
16. De tekstdichter/komponist kan nao oeëverlegk met V.V. De Rogstaekers zieën of eur lidje insteure nao ‘ne ângere wedstriêd (bv. 't LVK), de inschriêving heejvör és ‘n eige verantwoeërdelikheid van de tekstdichter/komponist. V.V. De Rogstaekers zörgtj înkel vör aanlevering van de CD.
17. Doeër inzending van ‘t lidje weurdj aafstând gedaon van de rechte van publisieëre en waere dieës rechte oeëvergedrage aan V.V. De Rogstaekers, vör de lidjes di-j op CD, kassette of op ânger geluidsdragers verschieëne.
Aansprakelikheid:
18. V.V. De Rogstaekers hultj zich 't recht vuuër 'n lidje van de indjronde uut te sloête of trök te neme as dao gegrondje rieëje vör zeen. Dit nao ‘t in kinnes stelle van de maker(s).
19. As de tekstdichter/komponist zich neet aan lid 2 en 3 van dit reglemênt hultj és hae/zeuj, zônger bepêrkinge, verantwoeërdelik vör alle schaaj di-j heejdoeer vör V.V. De Rogstaekers ontstieët of kân ontstaon. Dit geldj ouch vör kleems vanne tekstschriêver/meziekschriêver van ‘t lidje woeëvan (gedaeltelik) gebroeëk es gemaaktj.
Slot:
Doeër ôngerteikening van ´t inschriefformeleer verklaore de ôngerteikenaers ´t reglement te kinne en dao onvuuërwaardelik mej in te stumme.
De organizâsie en algehieële leiding vanne lidjeswedstrieêd, lidjesfestival en de opname vanne CD ès in hang van V.V. De Rogstaekers. Dao woeë ´t reglemênt gein oplossinf bringtj, beslisj de organizasie binne V.V. De Rogstaekers.
Wieërt, aprîl 2010
V.V. De Rogstaekers
