Lindeboom Slaag um de Mêrrentj
Lindeboom Slaag um de Mêrrentj 2010
Um nao de site van Lindeboom Slaag um de Mêrrentj te gaon kliktj dan heej:
Um uutslaag en foto's te bekieke kujje oppe site "Lindeboom Slaag um de Mêrrentj" terecht
Nao 'n groeët aantal jaore Toêt en Blaosfieëst, waas vastelaovendj dieënsdig vuuërig jaor vör 't ieërst 't tonieël van de "Lindeboom Slaag um de Mêrrentj". Dieës nów formule bleek 'n groeët suukses vandao dét ouch dit jaor, drej groeëte pirateschieëp 't podium beeje aan völ hermeniekes en joekskepélle. Vanaaf 11.00 oor waare de hermeniekes en koldergezelschappe ontvânge in de betrokke Wieërter tapperi-je um 'ne gooje boêm te legke vör de rest van de daag. Um 13.00 oor waare de daelnemendje hermeniekes en joekskepélle oppe Mêrrentj verwachtj um de aaftrap te gaeve van de "Slaag um de Mêrrentj" 2010.
Op dieës sentraal plaats waas ouch de zjurie um un oeërdael te velle oeëver détgeine wat de kepélle aan meziek laote huuëre. Daobeej speuldje neteurlik de flawwe kûl en sjoow 'n groeëte rol. Van 't aanwieëzige publiek waas ouch aksie verwachtj, dréj kaakmaeters stÔnge oppe Mêrrentj en leete zeen waat 't vastelaovendjpubliek vông van de prizzentâsies. De aanwieëzige vastelaovendjveerders bepaoldje uuteindelik weem de winnaar woort.
Spesjaal aandacht dit jaor waas d'r vör de koldergezelschappe welke in de Beekstaot eur eige kolderparade met 'n ekstra podium tieëgenoeëver kefee de Gotcha haaje.
't Evenemênt woort um 18.30 oor aafgesloeëte met "the battle" woeë-in de dréj best be-oeërdaeldje joekskepélle um de ieëwige roem stri-jje. Nao aafloup heejvan woorte de priêze uutgereiktj. Naeve de kepéllepriês en de knouwelpriês waas d'r ouch "De Fanfaar Bronchitia 1676 Noeëtekraker". Dieëze wisselpriês és bedoeldj vör 'ne individuele muzikânt of vör 'n paar muzikânte binne ein van de deilnemendje kepélle di-j d'r op ’t gebied van meziek, kaofechtigheid en vastenaovundjgeveul met kop en schouwers boeëve uut stiktj of staeke! Verder és d'r vör alle deilnemers 'n herinneringsmedâlie.
“Vastelaovundjdieënsdig
Lindeboom Slaag um de Mêrrentj
hêrtje Wieërt”
© V.V. de Rogstaekers alle rechten voorbehouden
powered by DICO © 2006-2010
Digibit
