Oeëverige aktiviteite

Installâtie en resepsie Preens Henk 2010 en Jeugdpreens Teus I

Zoondig 7 fibberwari zulle Stadspreens Henk 2010 en Jeugdpreens Teus I doeër oeëze Opper Opper Rogstaeker, Börgemeister Niederer, op 't Stadhoês geïnstallieërdj waere.
Met 't oeëverhandige van de Sluuëtels zeen ze dan tiêdus de drej vastelaovundjdaag hieërsers oeëver de Stad Wieërt.

Um 12.30 oor vertrektj de stoet met völ meziek van Hermeni-j St. Antonius en Hermeni-j de Kompeni-j vanuut Hotel Golden Tulip via de Driesveldlaan, Wilhelminasingel, Langstraot, Mêrrentj en Bieëkstraot nao 't Stadhoês.
Heej zal dan um 13.00 oor in de Raodszaal de met völ humor doeërspekdje installâsie plaatsvînge.

Aansloeëtendj aan dieës installâsie zal um 15.00 oor aan allebej de Preense 'n resepsie waere aangeboeëje in 't Fieëstpaviljoen aan de Penitentenstraot.

Nów dit jaor és dét t'r gezörgdj és vör mieër ammezâsie, tiêdus 't héndjes schödde zulle de bezeukers waere verasj met optrei-jes van 't in Wieërt legendarische orkést De Blue Comets. (weem kintj ze nog)

Nog mieër nostalgie zal d'r te veenge zeen achter de verschillendje tappûnte, heej zulle de aod kasteleins van de Apollo, Hermeni-j, Gotcha, 't Pumpke, d'Oude Markt, de Gruyter, Tramhalte, de Cardinaal, de Trompet, 't Gevelke, de Schuur, 't Hukske, Elkesbar, de Poort van Limburg en de Luchtpost de vastelaovendjveerders van eur drénkske vörzeen.

Verder zeen d'r staontaofel-artieste, te wieëte kloon Desalles en Iris, d'r zulle laevendje stândbieëldje inne tênt aanwieëzig zeen en zal vör de wichter weer 'ne wichterhook waere ingerichtj.

In de pauze van de resepsie zulle Ronald en Carien de Wieërter vastelaovendjschlager "Limburg laeftj met de Vastelaovendj" ten gehuuëre breenge. De Rogstaekers hoeëpe heejmej 'n fantastiese sfeer te krieëge, 'n sfeer di-j neet inhultj dejje allein in 't paviljoen aanwieëzig zeetj um te wachte tot dejje aan de buuërt zeetj, mér det d'r voldoondje ingrediënte aanwieëzig zeen um d'r 'n gewêldjige héppening van te make.

Uuteraard zulle ouch de noeëdige hermeniekes en Joekskepélle neet ontbraeke. Vanzêlfspraekendj és ederein dae de Wieërter vastelaovundj 'n wêrm hért towdreugtj, tiêdus dieës installâsie en resepsie van hérte welkom!

---

• Alf Poell, Kandidaat Gulden Humor 2010
  

  Oppe jaorlikse algemein ledevergadering van de Samenwirkende Limburgse Vastelaovesvereiniginge .....
  Laesj wieter »

---

• Inschriêve Vastelaovundjschlager 2011
  

  Komponiste en tekstschriêvers kunne weer aanne slaag. De inschiêving v\'r \'t lidjesfestival .....
  Laesj wieter »

---

• Uutslaag Rogstaekers Vastelaovundjpuzzel
  

  In de vastelaovendjgezet van \'t aafgeloupe jaor stong ouch \'ne woeërdpuzzel, doeër middel van .....
  Laesj wieter »

---