Reglemênt

Reglemênt 2010

Regels vör Regels vör deilname aan de Groeëte Rogstaekers vastenaovundjoptocht 2010

1.   De organizâsie és in hang van de kemissie Fieëst Oppe Straot van V.V. De Rogstaekers.

2.    Deilname aan de optocht stieët oeëpe vör eederein uut Wieërt en direkte umgaeving.

3.   Inschriêvinge waere nao de op ’t inschriefformelieër bekindjgemaakdje sloêtingsdaag neet mieër aangenoeëme.

4.    Verboeëje zeen:

Aanstoeëtgaevendje en/of kwetsendje ongerwêrpe, tekste, meziek, uutbieëldjinge of gedraginge.

Kommersjele reklaam in welke vôrm dan ouch.

’t Gebroêk van alkoholiese drânke in ‘t oeëpenbaar.

Oeëpe veûr, stânk, völ roûk en veurwêrk.

’t Strawwe, goeze of wegscheete van spulle, behâlve konfettie en serpentines.

’t Metveûre van bieëste.

Acts di-j stilstând of vertraging van d’n optocht tot gevolg hebbe.

5.    Verplichtinge:

• De optochtnummers mótte good zichtbaar gedrage of geplaatsj zeen.
• Deilnemers deene te voldoon aan de wettelikke veiligheidseise.
• De maximale aafmaetinge, geneumdj op ‘t inschriefformelieër mójje in acht neme.
• Bi-j groeëte wages mót aan beids kânte, ongevieër 5 mtr vuuër de wage, ‘ne begeleider van de deilneemer métloupe.
• Groeëte wages (en ouch klein wages di-j neet doeër mankracht waere voeërtbewoeëge) mótte aan de vuuërkânt ’n good towgânkelikke sleîpbevestiging hebbe.
• Aanwiêzinge in ‘t belang van d’n optocht, gegaeve doeër optochtbegeleiders of lede van V.V. De Rogstaekers, deene opgevolgdj te waere.
• Moterveurtuge di-j in de optocht méjtrekke mótte WA verzieëkerdj zeen. (Vör alle ânger deilnemers és ’t zieër aan te raoje ’n WA-particulier (verzieëkering) aaf te sloête) 

6.   ‘t Boeëvestaondje verboeëjene en verplichdje weurtj doeër de organizâsie op vuuërhând en ouch tiêdes de optocht beoeërdeildj. ’t Neet naokaome heejvan kân gevôlge hebbe vör priêze en/of vergeujinge of zelfs leî-je tot onmiddelikke uutsloêting.

7.  Afmetingen van grote wagens:                                         

• Lengte maximaal 12 meter bij 1 eenheid, bij meerdere gekoppelde eenheden met bestuurbaarheid per eenheid, maximaal 4 eenheden met een totale lengte van maximaal 58 meter, lengte per eenheid maximaal 8 meter.
• Breedte 3,50 meter maximaal in smalste optochtuitvoering en maximaal 4,50 meter in breedste optochtuitvoering.
• Hoogte maximaal 5 meter in laagste optochtuitvoering en maximaal 7,50 meter in hoogste optochtuitvoering.

8.    Doeër deilname aan dieëze optocht draagdje de auteursrechte in welke vôrm dan ouch, oeëver aan  V.V. De Rogstaekers.

9.    Priêze en vergeujinge:

Priêze waere vastgesteldj n.a.v de beoeërdeiling doeër ‘ne onaafhankelikke zjurie, samegesteldj doeër de organizâsie.

Vergeujinge waere vastgesteldj doeër de organizâsie.

Vör ‘n muuëgelikke vergeujing kójje allein in aanmêrking as eur kreâsie in de Wieërter optocht vör ’t ieërst te zeen és. (In oeëvelegk kan heejvan waere aafgwieëke.)

Vergeujinge en/of priêze waere op de priêsuutreiking nao de optocht bekindj gemaaktj en binne 14 daag daonao per bânk of giro betaaldj.

Tieëge priêze en/of vergeujinge kân neet gereklamieërdj waere, deilnemers légke zich nieër bi-j de beslissing van zjurie en organizâsie. Uutslage zeen bîngendj.

10. Deilname aan de optocht és op eige risiko en mét eur deilname vrî-jwaardje de organizâsie, V.V. De Rogstaekers, van schaaj aan dêrdje.

11. In alles woeë-in dieës regels neet verzeen beslisj de organizâsie.

12. Alle deilnemers gaon doeër ongerteikening van ’t inschriefformelieër akkoeërd mét dieës regels en bepaolinge.

Heej kui-je ut reglemênt downloade