Boonte Wichtermiddig 2010
t Zal uch mer gebuuëre. Doeër botte pech in eur favoriete computerspuuëlke getoverdj te waere! En det és noow zjuust waat Jef en Fien oeëverkeumtj, vlaak vuuër vastelaovendj. De Krachtpatsers en kuuëningin Raengelboeëg zeen de bewoeëners van ’t spuuël. Zeuj perbieëre Jef en Fien nog vuuër ‘t begîn vanne vastelaovendj trök in Wieërt te kriêge mer det véltj neet mej, want d’r motte 3 kristalle gezochtj waere in verschillendje nivo’s van ‘t spuuël. Ze waere flînk tieëgegewêrktj doeër kuuëning Raengelboeëg en de Nötte Nar. Zoeëj ‘t lökke Jef en Fien oppen tiêd trök thoês te kriêge? Weem wétj. Komtj allemaol kieke en hêlpe in ‘t Munttheater in Wieërt, want soonger uch gieët ‘t zieëker neet lökke!
Komtj nao de Boonte Wichtermiddig en gae kujjet zelf as ieërste zeen.
De Boonte Wichtermiddige zeen op zoondig 10 en zaoterdig 16 jannewari. Dit uuteraard ouch in 't Munttheater, begîn 14.00 oor. Kaarte zeen nog te koup via 't Munttheater, zoeëwaal telefonisch, via internet en aan de uutbalie of vuuëraafgaondj aan de vuuërstelling indeen nog vuuërradig.
Uutroeping Jeugdpreens 2010:
Op ‘t indj van d’n ieërste Boonte Wichtermiddig, op zoondig 10 jannewari, weurtj de nowwe Rogstaekers Jeugdpreens uutgerope. Aansloêtendj vîngtj dan de "Middig van de Jeugdpreens" plaats, ederein weurtj dan in de gelaegenheid gestéldj de körsvörse Jeugdpreens 'n héndje te gaeve en um völ suukses te wînse de kaomendje waeke.
Komtj zînge en kake tiedus de Bônte Wichtermiddig
De lidjes in ’t verhaol van ‘ne Bônte Wichtermiddug maaktj de vuuerstelling compliêt.
Peter Baartmans es dao sinds e paar jaor beej de BWM aktief mej bieëzig. Hae schriêftj de meziek beej de tekste deej doeër ânger mejwêrkers waere gemaaktj. Daonaeve maaktje de meziek tiedes de vuuërstelling ouch zelluf.
En live meziek wêrktj hieël good, want de wichter zînge en kake mer al te gemaekelik mej tiedus zoeë’n vuuërstelling. Peter demonstrieërtj vör zien beroep orgels van ’n bekindj Japans maerk en daovör reisj hae zoeëwat de hieël waereldj aaf. Behâlve eins per jaor…. vör de wichter van Wieërt en tiedes de Bônte Wichtermiddug.
Peter Baartmans
